昨天老公新買左個電子燉鍋俾我，咁我今日就搞搞新意!
電子燉鍋的好處，既慳煤氣費，又唔洗睇火，操作亦簡單方便!
材料 : 黃耳2朵
黃耳係普通超市買唔到，我就係樓上買($176/包)。
黃耳含有蛋白質、脂肪、碳水化合物、礦物質、維生素、膠質等營養成分，主要功效有：
1. 提高機體代謝機能，抑制腫瘤細胞的的生長；
2. 調節機體代謝技能，改善機體狀況，提高機體血紅蛋白和血漿的含量；
3. 提高機體抗衰老、抗缺氧能力，降血脂、降膽固醇；
4. 促進肝臟代謝，防止脂肪在肝臟積累，提高肝臟解毒功能，可有效地防病健身，延緩衰老。
前一晚要浸定d黃耳，因為黃耳唔同雪耳，浸水的時間要耐好多架!
浸左成晚的黃耳發大後，要洗淨同埋剪走黑色底部。
你睇黃耳發大變得幾大!
將洗淨的黃耳剪小件。
準備量杯。
因為第一次整，所以我買左盒普通奶來試，如果ok，下次就可以用北海道3.6牛乳來整。
去核紅棗1粒，蓮子約10粒。
用3份牛奶1份水的份量 (3:1)，咁我就用500ml奶+166ml水。
將所有材料放晒燉瓶內，燉個半鐘頭就完成。
燉好後，加適量的冰糖再燉多大約10分鐘，就可以飲喇~
好正咁呀!
夠晒滋補!
沒有留言:
張貼留言