2014-11-07@近日買物

呢排轉天氣，涼左好多，皮膚就開始乾燥。

前排我經過卓悅見到有日本馬油乳霜，就買左兩瓶，一瓶自己，另一瓶俾婆婆。

早前出左旺角巴黎草莓小店，買左包紅豆水及半包薏仁水(半包係因為同朋友一人一半)。

有時飲下d有味既野無咁寡口，順便可以去下水腫。($78/包)

老公買左張被，同埋買左兩張新床單套裝。

*********************************************************************************

我呢排訓得唔好，比較難入睡都算，仲要連續幾晚都發惡夢，d惡夢係發我俾人殺or見到喪葬之類，總之就好得人驚啦!

我見網上有人講，余仁生酸棗仁湯助安眠，咁我經過余仁生咪入去望下囉!

見到酸棗仁湯一盒得10包(沖水飲粉裝)，約50蚊左右(唔記得價錢)，咁一日要飲3次，咪得3日份量? 我諗住都買來試下，點知店員問我係有咩症狀，我答訓得唔好，好多惡夢，咁佢就介紹我天王補心丹，話補心安神之類，一盒有18包(小丸裝)，咁一日暖水服2次，即係9日份量，價錢係108蚊，咁店員介紹就信下佢，買來試下，希望對我有幫助啦~

咁啱匯豐信用卡有9折，折實$97.2。