[22?] 剝牙血淚史

大家能夠看到我呢篇文章，即係我大難不死，有幸還能生存係呢個世界，我沒有誇張，因為我真的以為自己會死掉!

今次剝牙血淚史，我很感激曾經關心我的人，我亦對牙齒護理不能X視!

事件由10月17日的早上講起!   ( 如想知道點解我要剝牙，可睇番我d 舊文-->[160]&[176] )

當日早上，我要出旺角睇中醫，我記得當日我仲一個人去左翠華茶餐廳食早餐，仲食左個我好耐都無食既豐富早餐添!

早餐完，就如常睇中醫，見完醫師後，排隊交費攞藥時，我的電話響了，咁我就聽啦!

對方問我是否XXX小姐時，我心裡即時已感到不安，因為我一直害怕的通知來了，對方說瑪麗醫院明天有位可以幫我剝牙，問我今日可以入院嗎?

我不知如何是好! 為何來得咁快! 我就問可以遲些答覆嗎? 她說咁幾時覆到? 因為如果我唔剝，咁佢就打俾第二個人! 咁我就話我一小時之內會答覆啦!

我當時心裡很亂! 收線後即時打電話俾老公，問他意見! 他說遲早都要整，咁早d 整就可以早d 了左件心事! 所以他係贊成我剝牙的!

但我心裡係其實想佢講因為太急，不如遲d 先整! 咁我同老公收線後，都打左電話俾兩個好友，她們都係一致贊成我剝牙的! 所以我都無話可說了!

我真係好驚! 而且下月我要去台灣旅行，如果未好番咁點算? 

咁我就回覆姑娘，答應入院，準備明天做手術剝牙! 咁姑娘又話要我要2點前入，因為要見麻醉師! 咁我就沖沖忘忘回家x野準備入醫院了!

第二日(即10月18日)，早上7點禁食，10點禁飲，下午大約3點做手術。

心情好緊張! 好擔心手術會失敗! 咁第二日就會有新聞報導，有一名女子因剝3隻智慧齒死亡!

下午2點幾，換上手術袍，就訓上床，有姑娘推我去手術室。

到了手術室門外，門一打開，我看見有好多醫生，好驚! 好似同緊我講，一陣就會x你喇!

我就緊閉雙眼，淚水不禁流下，好快就有人幫我打針，之後又叫我吸氣，吸吸下我便昏迷了!

到我醒時，係有人叫醒我的，同我講做完手術了，要返番病房了!

我當時迷迷糊糊，成身係咁震，覺得好凍! 感覺到雙口兩邊咬住紗布! 喉嚨好乾! 

返回病房，我慢慢清醒很多，但仍然覺得好凍好累! 好彩姑娘知道我想要毛毯。當時的時間係4點幾!

咁我就等待6點(探病時間)，看到老公，他說我成口血! 他幫我輕輕抹! 又問姑娘我情況如何!

咁姑娘見我咬左咁耐紗布，就嘗試幫我整走，睇下止左血未!