話咁快就到左第四日,開心既時間總是過得好快,聽晚就要返香港。
今朝去附近的<吐司窩>食吐司早餐,老公至愛!!
呢兩杯古早味飲料麻麻地。
老公食總匯三文治。
我食起司火腿蛋吐司。
台北車站有好多野賣,主要係買手信同食野的店舖。
我地係<天仁茗茶>買野飲。
我買左杯抺茶冰淇淋奶綠,好味道!
之後就再周圍行下。
<阿默蛋糕>買手信好地方,又好味! 包裝又得睇!
<查理布朗>都係買手信好地方,好多旅遊書都有介紹。
老公訂左4條蜂蜜蛋糕,俾左錢先,遲d取!
因為好抵! NT$180有兩條。
呢款Q餅都好出名! (我只試食!)
仲有熱賣的雞蛋布丁都好多人買。 (我只試食!)
最後,我即場買左杯查理手作烤布丁來食,好味!!
呢間餅店好出名,原來有兩間舖,分別在唔同位置,一間係賣帽子蛋糕,另一間係賣起司蛋糕,超司蛋糕係現做的,一個size有16cm,NT$199,網路上好多人推介,我經過都聞到好香呀!!!!! 我本身都好想買一個來食,只不過當時真係好飽! 而且要排隊等出爐,所以放棄了!
(後記 : 我下次一定要買! ) ^^
呢間<臺鐵便當>我都好感興趣,而且都不斷有人買的!
行左一陣台北車站之後,我地一行10人就出發去基隆碧沙漁港食海鮮。
我地係基隆碧沙漁港發生了一件難忘的經歷! 感覺生死一線間咁! 係下面會講到。
首先,係車站坐1813號國光巴士到基隆。
行車中落好大雨........
到左基隆落車,仍然落好大雨。
之後我們再轉公車去碧沙漁港。
食完海鮮餐,都係落緊大雨,其實我地全部人都已經俾大雨淋濕 (有雨傘都會濕)。
之後行去公車站等車返回基隆火車站,但等左好耐公車都無車囉!
我們車站有個涼亭,算係避到d雨,車站另一邊係山坡。
等等下......我地就見到對面既山坡有樹塌下來。
當時真係好大雨,好似黑色大暴雨果種。
再繼續等等等......好耐都無車來!!
突然!!!! 係我們距離80-100米的馬路上,有巨響,一望就見到有個巨石塌下來!!!!
好恐怖!!! 我們好驚! 想辨法離開現場,原因係好驚仲會有石塌下來,眼見我們前方的山坡上都有很多巨石!
係呢個時候,有一輛小型送貨車停左係我地面前,因為前面既路已經被巨石阻擋過不到。
咁大姐夫們就走去問小型送貨車的司機,問他可不可以載我們離開,希望能夠去到安全地方。
咁我們全部人立即上了小型送貨車內,感覺好似走難咁,好想快d走,好驚隨時會有巨石塌下來。
之後我們順利去到一個安全車站,然後分別再坐車到基隆火車站。
留意以上片中時間(16:19:42)在山頂的石頭,跟住(16:20:00)就擊落了!
我事後係Google搵左d資料 :
橙圈係M記牌,黃圈係我們當時的位置(公車車站)。
真係好驚險! 慶幸大家可以安全平安!
大家之後回到台北,各自休息下,到晚上再相約到<小李子清粥>食晚餐。
之後去<龍都>食冰。
我同老公一齊食八寶冰,正!!!!
沒有留言:
張貼留言