早上都係食<吐司窩>。
食完早餐，就去買手信，因為媽咪order左我幫佢買兩盒港記總統餅。
之後再去<黑橋牌>買兩包腸。
買完就回民宿休息&執行李，因為準備12點要走去台北車站寄行李。
台北車站寄行李真方便又便宜!
寄好行李，我們就周圍去食野。
經過台北車站地下街的Donut店，當然要買番個波堤來食啦! (西門町那間店無左)
我食黑糖朱古力味! ^^
行行下，見到有蔥抓餅，即刻買個來食!
叫左個起司蛋蔥抓餅! 正!!!!!!!!!
之後，我們便行到去食胡椒餅。
熱騰騰! 食時真係要小心熨口!
食完，我地就慢慢坐捷運去中山站，去晶華酒店地庫的一間cafe店食麻糬鬆餅。
藍苺麻糬鬆餅NT$200，圍番港紙都要五十多元，都算貴!
一心想坐低食，點知店員同我講要最低消費，最低消費係要叫埋杯飲品!
但我之前已經食左波堤、蔥抓餅、胡椒餅，而家仲叫左麻糬鬆餅，又點再飲得下飲品呢!!
而且我同老公都唔飲咖啡的，所以真係唔想叫杯飲品囉!
真係好無奈!! 行到咁累，都唔俾我地坐低，咁算啦，人地有人地公司規則，咁我唯有外賣吧!!
由於麻糬鬆餅製作要時間，加上有其他人比我們先叫，所以我們都等左一陣，等一陣唔係問題，但等緊既時候，我老公發現有個媽媽同個小孩坐係度好耐，都只係叫左個同我們一樣的麻糬鬆餅，並沒有加叫杯飲品，她們還有cafe供應的兩杯水，點解我地同佢地叫同一樣既野，但佢地就可以坐低，我地唔可以??? (好唔開心囉!當時又唔係人多，仲有好多位!) 不過都唔再考究係咩原因了，可能佢地係VIP掛!!
最後，我地外賣盒子係商場的凳子上食，一打開，見朱古力醬、Cream、藍苺都分開左，超唔開心! 唸住影相都無心機影! 連食都食得唔開心! (當時真係好後悔買左來食囉!早之就唔買啦!)
咁唔買都買左啦，所以都要食架啦! 可能心情影響，本來好味既都覺得好一般! 加上兩個人食一個藍苺麻糬鬆餅既份量比較多，應該適合3-4人食。(其實最重要係可以即埸坐低食先係最好!) 講完!!
食完休息一陣就返台北車站。
係二樓食咖哩蛋包飯做晚餐。
好美味呀!!!! 即時開心番晒!!! ^^
食飽飽就攞番行李去坐1819機場巴士到機場。
未降落前，香港的夜景真係好靚!
其實香港都真係好光下!!
要等一陣行李，因為多機落。
10:58pm 取到行李。
之後我們坐機場快線去青衣站，再轉的士回家。
11:27pm 回到家了! ^^
********************************************
分享一下我的買物啦!!
呢支髮尾油超推介，本來都係買一支來試試，點知效果很好又唔油笠笠! (後悔買一支咁少!) ^^
香港買好貴! 係台北康是美做緊特價NT$398，大約港幣$105元。超抵!!!
面膜方面，我買呢個牌子，店員推介的!!
保濕面膜(籃色)7片、美白面膜(紅色)5片。
亦買左3片廣源良的面膜。
這片SPA精油面膜(1片)係加錢換的。
朋友介紹這牌子潤唇膏好用!
Deary玫瑰Q10潤唇膏 NT$79-
這款黑凍膜都好用，不過要"full"40分鐘。
這三支洗頭水(大)係最重!! 不過真係好抵!! 香港太貴了!
3M牙線棒 (老公的)
扁線牙線棒 (我的)
兔兔杯兩個
食物方面，因為台灣都算常去，所以無咩特別野買，而我地無去九份十份淡水等地方，再加上今次係有屋企人一齊去，所以買少好多手信，就只有這兩包魷魚酥和4條蜂蜜蛋糕(係雪櫃)。
*******************************************************
大家姐送俾我地的手信。
南蠻堂蜂蜜蛋糕，好味呀!!! (多謝大家姐大姐夫) ^^
佳德的鳳黃酥
豆腐街的豆干
聖瑪莉的一口鳳梨酥
麻糬
細家姐送的佳德太陽餅。
沒有留言:
張貼留言