今日係第二日，可能昨天早起床，所以很累!
今早9點幾才起床。
因為民宿無早餐，所以要自己搵食，突然覺得外出食早餐都幾好，唔洗限時限刻起身食早餐，又唔洗咁多日都食差唔多款式的食物!
我地搭捷運去善導寺站鄰近的商場內食早餐。
<阜航豆漿>好多人排隊，排到去樓梯口。
今日的早餐係冰豆漿(NT$22)&薄餅蛋夾油條(NT$54)，仲加多個焦糖甜餅(NT$22)。
其實一份都好大件，應該兩個人食一份才對。
好好味呀!!
食飽飽，我地仲去左隔離間小型超市行左陣，我買左台灣巨峰提子(NT$37)，超平呀!
當然係返到民宿才洗來食啦!
下午，我們與大家姐們共10人，係永康街的<呂桑食堂>午餐，雖然昨天先食過，但好味既野係唔怕食多次既，再加上多d人可以食多d不同既菜式!
食完野，我們就係永康街行下，行了維格、康是美、屈臣氏、書局等。不過我無收獲，主要係格下價。
行完就回民宿小睡片刻，因為有點累! 要充下電! ^^
晚上，大家相約一齊去<牛角>食燒肉任食! (之前已訂好位)
呢餐我還約了老公的朋友(一家三口)來一齊食! 見到弟弟小朋友我好開心! ^^
點解來<牛角>呢? 係因為香港<牛角>無任食! 加上香港<牛角>普通一個餐既份量都好少!
來到台灣，當然要食到飽啦!!!!
台北牛角 : http://www.gyu-kaku.com.tw/all-you-can-eat#time
食完好滿足!!
沒有留言:
張貼留言