[100] 好食推介 (12-Jan-2012)

第100篇文喇! 


就快到農曆新年，好多超市店舖都有好多禮盒裝賣，如曲奇、蛋卷、金沙、蘿蔔糕等等.......(不過今年真係咩都貴晒!)

通常每年我同老公都會買蛋卷去各家姐阿哥屋企拜年的，今年已經買左，仲包裝埋添!

今年已經託大姐夫幫我地換新紙幣，可以年年都有新紙幣封利是! 嘻嘻!

因為老公工作比較忙，所以就仲未得暇去買水仙花。

昨天，老公攞左盒美心杏仁條禮盒回來，我好開心，因為本身我都好喜歡食!

咁今日我就開來食啦，包裝好精美，樣子都好吸引。

 

一食入口，咬兩咬，嘩! 好鬆脆呀! 

原來係有288層，唔怪得咁脆啦!

如果唔送禮，買來自己食都正呀!



另外，美心都有款CAKE，係我誠意推介，名字叫<黑爵士朱古力>。

係用比利時Callebaut54%朱古力，都係賣$16/件。

出面有名的餅店，普通都要賣成$30/件啦!
所以係超抵食呀! 

即刻買回家! (開心^^)

 

要慢慢細細啖品嘗。

 




好耐無食M記早餐了，所以昨天一個人食左個精選早晨套餐。($23.3)

非常滿足!

今日下午，嘆左個下午茶，沙嗲牛肉紅腸煎蛋麵+熱好立克。($23)

 

到晚上，又落樓下食飯。