其中既一個係我夢見自己係手術室內,俾人麻醉左,不過係清醒的,只係無痛楚,我見到我下半身同上半身被人分離左!!!
之後有個醫生用支好似竹籤咁粗既針,分別係我塊面吉左4針,好嚇人呀!! 我好驚! 驚到喊左出黎!
我知道一切既惡夢,係原於我一直擔憂住剝智慧齒事件! (真係好想快d 解決)
上星期六,我收到醫院的信,叫我於24號早上見醫生,雖然只係見醫生了解下點樣剝智慧齒,但係我都好驚!
好驚佢唔俾我全身麻醉,因為我自己知道自己係不能接受係我知道的情況下剝牙的,更何況係要剝智慧齒,真係不可能的任務!!
*********************************************************************************************
今晚,我終於去左牙醫診所度補牙,之前我問過牙科醫院補牙對剝智慧齒有無影響,他們說沒有,咁我就去補了。
我補的係智慧齒前一隻的大牙,偷偷講你知,我連補牙都好驚! 就算係洗牙都驚! 總之係有關係牙科既我都好驚!
點知,大約10分鐘左右,牙醫就幫我補好了隻牙! 而且過程無咩野,只有兩三下的脾痛,係可以接受的痛,之後仲可以即刻食野添!
我鬆左一鬆,希望遲d 剝智慧齒都可以咁順利就好喇!
貼張牙齒圖俾大家睇 :
*********************************************************************************************
24號見醫生,其實我心裡都有好多問題!
.
.
.
.
一次過剝晒3隻智慧牙,有冇危險性?
細菌感染, 入深切, 會幾乎命都冇 ?
全身麻醉對身體有無害,會否傷害其他器官? 會令人記性差左
手術不能說話, 而且完全沒有胃口進食?
麻醉葯過後, 個人係會好軟, 落唔到床, 好似好虛弱咁?
隻牙牽連好多口腔既神經線?
做完之後一定腫到個豬頭咁,有人剝一隻都痛左一個星期? 一次剝3隻牙, 麻醉果陣就冇嘢, 但麻醉葯散左, 就.......
做完手術, 塊面個"腮"位腫哂, 成個麵包超人咁?
剝隻咁大嘅牙, 要“界”開d牙肉... 會流好多血?
剝智慧齒都有一定危險﹐如果隻牙近神經線﹐手術後有機會整個牙齩失去知覺(或更嚴重)?
傷了“三叉神經”,從此日日牙痛(剥傷部位),長年要服止痛葯?
智慧齒長歪了,剝智慧齒比起把剝正常牙難度為高,敲碎牙齒,界開牙肉,分開拔出,才能完全把智慧齒拿出來?
剥牙後帶來的不便,肚餓但不方便進食,因為張開嘴吧都甚為艱難,所以只能用飲管進食流質食物?
即使飲水也需要用飲管,可憐的連吞嚥都感到痛楚,即使肚餓也沒有心情 ?
刷牙亦感到非常艱難,口難而張開,就連刷牙的過程亦難而進行?
剥牙後會有好多的不方便,整晚都像啞巴一樣無心情說話、無心情盡食?
會發高燒 ?
手要打鹽水?
因為不能自行呼吸,所以插了喉,插喉後,喉嚨會超痛?
.
.
.
.
.
.
我上網見到人寫的經歷,真係睇到心寒!
沒有留言:
張貼留言