原本我都唔太想去，因為d人我又唔識，實悶死! 不過因為媽咪唔識去，咁我當陪下佢啦~
其實香港d飲宴，講就講8點開席，不過有幾多真係8點開到席? 通常而家都搞到9點先開席架啦~
點知媽咪話要4點陪她去 > <" ，我話咁早去做咩?? 她說係尖沙咀行下先囉~
我果日下午因為要陪友人去覆診，所以未咁快返到屋企，而且返到屋企仲要換衫呢~
所以我就推了她，說我無時間陪她行街，而且我都唔熟尖沙咀d路，只係識行下海港城!
咁我同佢講，我地7點係屋企出發啦，8點左右咩都去到啦~
她就說唔好，因為人地包左架城巴，安排左d大陸親友係宴後會經皇崗口岸返大陸，她又想跟人一齊返!
我話人地點會因為就你地而早開席，而且你只係男家阿爸既朋友，又唔係咩重要親戚!
她就答我，唔係架!人地包左架車，所以會早食早走!
咁好啦!你想早d，我就你早d，我話6點半出發囉，點知佢都話唔得，要再早d，我話你想幾點呀?佢話5點幾啦! 我話咁早去到真係無咩做架! 我最早6點出發啦!
我4點幾陪完朋友覆診，回到家都5點，我仲要去下便便，換下衫呢，所以好趕! 點知佢5點幾，打幾次俾我，問我得未? 吹到我呢~
咁約左6點係巴士站等，她就一早到左巴士站，我來到，她就說走左兩架車喇! 又唔係我遲到，係你早到啫!
咁一齊上左巴士啦，佢就沿途係咁問我到未? 又不斷睇時間!
點知無耐，落大雨，超大雨果隻! 我只有一把迷你短傘，我媽咪就無帶!
到落車時仲係好大雨，咁我地兩個人一把傘啦! 我半邊身及下半邊濕晒，而且我對高跟鞋係唧得出水，手袋又濕埋! 真黑仔!!
已經好狼狽架啦，點知她仲要吹我行快d，點行得到快呀? 水浸咁大雨，佢又唔帶雨傘!
咁我好辛苦下，終於去到間酒樓既商場啦! 我話要去洗手間抹下隻腳，因為我衭腳滴晒水，而且對鞋裡面又入晒水!
她就好不願意我去咁，不斷吹我，話驚人地個個到齊欠她喎! (當時時間係7點一兩個字左右)
好啦! 抹完腳後，就入去間酒樓啦，係門口我代爸爸簽名，她就同男家阿爸傾計!
傾左兩句! 又有d同鄉友人同佢傾計! 我就問左會坐幾多號枱就入內，點知入到裡面，都未人齊，仲有人打埋牌，一對新人仲影緊相，完全無就來要開席的意思!
我見有西餅蛋糕攞，我就攞左兩件，一人一件，叫佢打定個底，因為我知未有咁快有得食!
期間佢行開左去同友人傾計，只得我一人在坐，咁我都預左會悶，所以我咪自己係度玩下iphone game!
等呀等........終於叫埋席了! 不過無耐又講因為天雨關係，未人齊，所以會遲開席!
到9點了，終於有司儀講野了，講下一對新人點相識等，播下新人童年同拍拖時既片，到新人出場，多謝下親朋好友，交杯切蛋糕錫錫等!
搞左10-15分鐘就正式開席，首先出場係乳豬，唔知係咪d人肚餓既關係，d人好快就夾晒食埋!
當時我媽咪仲要同人講，d乳豬好好食，好新鮮，皮好脆，仲係熱的，大陸果d凍冰冰的! (好似未食過好野咁!) =_="
之後諗住會好快有第二碟啦，點知一對新人又要送下花，多謝下相方家長，又睇下日頭接新娘的片，所以好耐都唔黎第二碟!
由於我坐果枱全部都係大陸人，所以佢地全程都係講大陸話，有男有女，有d男人期間要去食煙，返來時成陣煙味!
煙味我都可以忍受，不過有d男人竟然將佢已經食過既食物再點醬汁! (oh~ )
我真係怕左，所以我唔點醬汁了! 太不衛生了! 而且我又唔識你，點解要食你口水尾! (唔通大陸人既文化就係咁?)
最後成11點先開始散席送客，我就見住我媽咪同友人走左之後，就獨自一人回家，回到家已經12點了!
好彩離開時無落雨了，我回家後仲要處理我濕了的鞋及袋...........唉~
沒有留言:
張貼留言