早前參加左BE的試用活動，是次試用的產品係<LUX日本黑鑚極致修護系列>。
一套有3件產品，分別係洗髮乳、潤髮乳及護髮霜。
由於我本身髮質粗厚，再加上我經常會做負離子直髮、電曲髮及染髮等，所以我對選擇頭髮用品係有要求的。
上月，我將我留了十年的長髮剪掉，原因係經常斷髮，搞到成地都係頭髮，而且晚上又吹唔乾個頭就去睡，結果經常頭痛。
由於我之前係電了曲髮，所以剪髮後，於髮尾仍有少許曲，已致我每天出門前都要用夾髮器夾髮尾，可以想像我的頭髮會有幾傷!
今次我試用的系列係適合電燙、漂染及嚴重受損髮質，真係啱晒!
重複染燙、經常性的吹整造型，或長期暴曬於日光之下，都會令髮芯嚴重受損，令秀髮變得枯黃脆弱，容易折斷。
髮質變得無生命，好似枯竭的草咁，點算好呢? ......... 唔洗驚，因為係有得救既!
等我介紹下我試用的產品啦~
STEP
1 : LUX黑鑚極致修護洗髮乳 
使用方法 : 將適量洗髮乳在濕髮上加上揉搓，再用清水洗淨。
因為拍攝原故，所以我用了少許份量來試俾大家睇個效果。
左圖 : 洗髮乳的顏色偏黃的，發出陣陣清香。
右圖 : 加水後，起泡效果很不錯。
用後感 : 泡泡都好豐富，味道又清香，可洗淨頭髮上的頭油及造型產品，立即好清爽! 最重要係一D都唔會好乾，有好保濕既感覺!
STEP 2 : LUX黑鑚極致修護潤髮乳
使用方法 : 洗髮後，均勻塗抹濕髮上，輕輕按摩一至三分鐘後用清水洗淨。
左圖 : 潤髮乳即係護髮素，潤髮之餘還有修護既功效。
右圖 : 推開後的效果。
用後感 : 呢一步我會將潤髮乳慢慢的塗勻再按摩一下，清洗後我既頭髮好柔滑，一定唔會打Click!
STEP 3 : LUX黑鑚極致修護護髮霜
使用方法 : 洗髮及潤髮後，輕輕擦乾多餘水份，將適量(約兩個中湯匙的份量)護髮霜均勻塗抹頭髮上，輕輕按摩約三分鐘，再用清水洗淨。建議每日都用。
左圖 : 護髮霜比潤髮乳的質地比較杰身，好像軟膏狀!
右圖 : 推開後的效果，厚身少少。
用後感 : 用的份量較多，塗上髮後感覺好杰身，呢一步用的時間較長，好似full個急救mask咁。我會輕輕按摩髮絲，確保頭髮吸收其功效。過水後，感覺真係好正，好似將我枯竭的頭髮增添氧份咁! (有d似起死回生) 哈哈~
其實點解咁勁呢?原來呢個系列係有d料到的!
等我介紹一下啦 :
勁料1 : 因為含有高濃度Pico氨基酸微粒，能夠好快咁滲透入3層深的髮絲結構至髮芯。點解可以滲透到咁深? 因為高濃度pico氨基酸微粒係比納米細小一千倍的高效滲透修護配方。
勁料2 :
能夠加強髮絲既強韌及持續滋養，形成保護膜，幫助秀髮抵抗染燙所造成的髮絲受損。
勁料3 : 配合呢3支使用，
只要用7日，就可2倍補修受損髮絲，令秀髮加倍閃耀。就好似黑鑽咁閃亮無瑕。
勁料4 : 又髮根至髮尖深入層填補受損髮芯小孔
而且係Made in japan架!
日本妹好著重自己的頭髮架! 打開日本時裝或化妝雜誌，都會見到她們成日轉造型及漂染，所以她們會好好保養其美麗秀髮呢!
日本網站介紹 : http://www.lux.co.jp/hair_care/damage_repair/shampoo_conditioner.html
我連續使用7日後，髮尾變得有生機!
頭髮即時順服柔滑!
左圖 : 使用前，像枯草的頭髮!
右圖 : 而且變得閃閃發光咁! 你睇下以下呢張相就知道!