[83] 近日之搞作 (21-Dec-2011)

呢個幾星期真係好忙好忙!

首先忙我自己屋企事，其餘就忙好友結婚事宜。

連老公都話我 : 真係忙過返工!

仲有，我亦俾部手機玩左我好幾日，而且我又生病了多天! (好彩都算好快好番!)

講一講，我呢個幾星期的事先~

浴室買左個新櫃，用來擺放我的用品，係老公幫我由木板安裝完成的。(謝謝老公喔!)



老公亦買左個新熱保暖壺俾我，THERMOS牌子有質素，而且仲係我喜歡的粉紅色。



講番我部IPHONE先，一開始壞了，顯示"沒有WIFI"，咁我就出旺角維修啦!

點知話係硬件問題，所以無得整，要換過部機俾我(LL機)。

壞左都要局住換，咁都算啦! 最衰係俾個職員用介刀刮花我剛新買不夠一星期的保護貼(裡面)。

唉....... (看下圖就知道!)

 

換機之後返到屋企，又發現沒有震機，咁即係又要去整!!! 

又要再出去!!! 真麻煩!!!!

咁我再出去整，佢又話無得整，要再換過部(LL機)。

唉!! 真係黑仔度爆!! 咁唯有再換囉~

本想不再用IPHONE了，不過我太多考慮下，最後都係保持完狀了.......

好彩暫時無再壞了，咁我就想辦法整好我的IPHONE殼先，因為之前無左一粒閃石。



我上網搵左好耐，好難先搵到有個賣家有呢隻色及SIZE既閃石，點知.......佢無貨!!

不過我都無放棄，我搵日出左深水步搵，搵左五至六間舖，有D無賣，有D無貨，又有D好貴，到最後........我終於搵到了!!

一小包要廿二蚊，其實我只需要一粒，不過餘下的我都會留來做後備，因為驚會再甩。

 

問老公借用AA膠。

貼好了!!! YEAH!!! (大家睇唔睇得出??)

近日，我除了感冒了，仲出現皮膚敏感，其實我皮膚好少出現敏感的(最多係出暗瘡)，可能天氣好乾燥啦~

我左邊眼皮腫了，所以要塗D防敏感又勁保濕的CREAM。

見有SET裝，仲送一個熊BearBear，所以買了。 

$288內有 Body wash 500ml、Cream 50ml及Lip Balm 15ml 仲送 10"
熊BearBear 。

之後，又忍不住誘惑，再大出血了。

其實塗指甲係我小小的興趣，所以我"間唔中"都會買新色甲油。

呢間店舖佢話佢賣的甲油係無害的，連孕婦或兒童都用得喎。(但我不太相信，因為我覺得點都會有化學野囉!)

不過! 佢咁講我咁信，我心理上咪會用得開心D囉!

最後我買了3支野，分別係啡色甲油(左) 、保護底油(中)及防花面油(右)。

個職員仲話，左邊支甲油的牌子，係全亞洲得佢公司先可以買到...... 而且英國皇菲結婚當日都係用呢隻牌子既甲油。(有點兒誇呀!) 

所以支甲油都要$185一支。(真係好貴喔!)

不過我返到屋企，見到支CHANEL505甲油同新買支甲油差唔多一樣色，所以第二日我就急急去換其它顏色!

最後，加多$10換左支灰色。