因為上星期五老公已經同我去食左自助餐，所以今日無任何慶祝。
平淡平常的渡過.....
雖然我心裡都好想收到驚喜，不過我都係唔好妄想了，因為希望越大，失望就越大。
我的好友打電話來，佢話佢個女性朋友收到LV手袋，佢就話佢老公咩都無表示，只係送左盒朱古力俾佢，不過係因為公司要買俾客人時順便訂多盒，而最終都係佢老公食多!
我就回應她，係囉! 而家d男人追你時就會送，到結婚後就越來越無心思，又話咩老夫老妻果d說話，唉! 洗d錢氹下人開心都唔捨得囉!
到最後，我這位好友的老公都有所行動，晚上開車去黃金海岸，食左個豐富的海鮮情人節晚餐，再開左間酒店房sweet sweet...... (真羨慕喔!)
我係一個浪漫主義者，而我老公係一個超現實主義者，任何野都係以錢行先，雖然呢個社會係超現實，但有時我都想做一天的公主喔!
我夢想的浪漫，
係兩個人行下沙灘，吹下海風，曬下月光等。當然如果金錢許可，最好係有花有禮物有燭光晚餐啦!
不過呢d童話式的浪漫，都比較難發生係我身上。
講番我先，我到最後當然就真係咩驚喜都無啦! 不過，我都有準備送禮物俾我的老公!
佢都估唔到我有買禮物，所以佢都好開心! (佢開心我就開心)
沒有留言:
張貼留言