[9] 葵芳食米線 (31-July-2011)

今日天氣真係好HOT，整天都在冷氣房內。

到左傍晚時分，我同老公去左葵芳行街街食飯。

我地去左行TASTE，買左台灣蕃薯、車打芝士、麵包、水餃及煎餃。

買完野，我地就去譚仔食米線，因為老公未去過譚仔食，所以我要他試下土匪雞翼。

我地叫左好多野!



老公食的炸醬腩肉米線。

我食的炸醬酸菜米線。



還有小食呀! 當然唔少得係土匪雞翼啦!

不過我今次食又唔覺得好特別好食，可能因為我近日嘗到孜然粉太多，所以對這味道熟悉了!

我都幾三分鐘熱度，下次來譚仔都未必再食了，哈哈!

仲有一碟小食，就係蒜泥白肉，我同老公都覺得好好味呀! 下次都會再食! 
(不過食完個口好有蒜味 -_-" )



凍檸水一人一杯。



埋單係一佰蚊零七元正。

[8] 屯門玩貓咪 (30-July-2011)

今日下午首先去左阿哥屋企同俊俊玩左半個鐘Wii。

之後就一齊入左屯門，去細家姐屋企玩貓咪。

貓咪叫"著仔"，未知係男定女。

玩到好累，我要訓覺覺喇! (薯仔講)



小手仔。

小腳仔。



唔好搞我喇，我要訓呀! (薯仔講)

靜靜雞近距離合照，哈哈!

兩個細路係度打PSP。

唔願上鏡的神秘人。



薯仔仍然訓緊。



玩完貓，我地就塔輕鐵去大排檔食晚飯。

泰式鳳瓜，味道不錯。



椒鹽九肚魚。

串燒豬肉牛肉。

腐乳炒生菜。



香橙骨。(麻麻地)



上湯白菜仔。



燒鵝。



咸魚蒸肉餅。(咸魚咸死人)



蒸魚肉豆腐。

是次晚餐係阿哥請，多謝晒!

食完晚飯，我地就塔西鐵轉的士回家，九點就返到屋企，真快!

不過我返到屋企飲左好多水，可能味精比較重。

[7] 家庭聚餐 (29-July-2011)

又到星期五，每逢星期五就是Family day。

每次都係十多人一起食飯。

今日細家姐係屯門買左盒朱古力脆脆蛋卷回來，包裝非常精美。

裡面有朱古力脆脆，味道不錯!



而大家姐就係親手整左個黑糖馬拉糕，好好味! 熱食仲正呀! (我留起部分用來做明天的早餐)

晚餐的餸菜大部分都係細家姐炒的。

呢碟係魚柳茶樹菇炒翠玉瓜，正!!



炒椰菜。

黃青椒洋蔥炒鴨。

豬肉攘苦瓜。



白切家鄉雞。(我媽媽拿給我的)



炒豆角。(都是媽媽拿給我的)



炒菜心。



焗雞翼。

肉碎魷魚炒咸酸菜，餸粥一流!

瘦肉粥。



最後，甜品就係大家姐整的沙律。