喜歡食譚仔的土匪雞翼嗎? 我一食就很喜歡，其味道好獨特!
我今次"試整"，不過唔係用雞翼，而係用豬脾骨!
首先去佳寶買左一包雪藏豬脾骨，有五件，價錢以重量計算的，由於我今次係試整，所以我唔買咁多喇，平平地買左廿蚊零五毫子!
要整土匪豬脾骨，當然唔少得多種的調味料!
1. 孜然粉
比較難買到的，我都係上網搵，知道荃灣南豐中心有得買!
2. 香蒜粉
好多地方都可以買到，不過我買孜然粉時順便買埋。
好香蒜頭味的!
3. 五香粉
4. 黑胡椒粉
5. 椒鹽粉
6. 生抽
7. 紹酒
8. 雞粉
9. 粟粉
10. 薑片
11. 糖
12. 麻酒
混合這十二種調味料來醃肉就事半功倍!
當然要將肉於室溫解凍先，想無咁雪味，可將肉用鹽沖洗一下!
肉要用廚房紙吸去水份!
到醃肉時間喇，因為我今次係試整，所以就適量的調配一下!
主要係孜然粉及香蒜粉多少少，其餘適量便可!
醃肉要用雙手幫它做按摩，調味料要均衡塗於肉上!
(如果之後驚手會有味，可戴透明膠手套!)
用保鮮袋包好，放入雪櫃醃一晚!
第二日，就將醃左成晚的肉拿出，灘涼後，再加上黑芝麻。
(小提示 : 肉厚的部分可用刀戒開，咁就容易D熟)
將焗爐預熱後，放入焗爐內用230度焗10分鐘，然後反轉焗多10分鐘。
之後再將孜然粉薄薄的灑上肉上，來增添香味，再底面共焗多7-8分鐘便完成。
當然要用牙籤吉下D肉，睇下熟未啦! 無血水就OK!
完成後上碟就可。
自我評語 : 雖然外觀都OK，不過食落又無想像中好食，我覺得無我係譚仔食的土匪雞翼既味道，其實我懷疑我用的孜然粉是否與譚仔用的一樣?? 同埋乾身左d，可能豬脾骨本身無咩油份，而雞翼層皮已經係油。不過大致上都好食既，只係味道差d，所以我係唔會放棄的，我下次會買雞翼來試整多次的。
而老公給我的評語就係 : 味道可以再濃d。他說我要再落多少少調味粉。其實因為我今次係試整，所以唔敢落咁重手，因為驚太咸。不過我會接受他意見，下次再整好d!
老公同我講，其實出面食的雞翼一定係落左好多味精的，唔係點會咁好食，而且d雞翼係炸的，一定係香脆。哈哈~
沒有留言:
張貼留言