自助早餐的味道及款式一般般啦，期待出曼谷住果間五星級酒店多d。
早餐過後，我地就開心出海玩!
我地之前已經book好左，會有職員係酒店接我們。
我地坐6-7分鐘車程就到了海邊，等待上快艇去島玩。
雖然我唔係第一次坐快艇，而且本身都無咩暈船浪的，但係都有d頂唔順。
因為真係好大浪，真係好拋，所以建議本身都頂唔順既人，最好上船前要準備定膠袋。(下船時見到一個外籍女人係度嘔，她又無自備膠袋，我見到都想嘔 -_-")
今次戴左我地去左一個叫做月光島的島，而不是平時跟團會去的那個珊瑚島。
月光島少人d，多數係自遊行人士會去的。
落左船，會有人問我地想玩d咩，如降落傘、香蕉船、水上電單車及海底漫步等活動。
我地就話游下水先，有需要就會玩。
你睇Cherry幾開心係度暢泳!
Kitty好喜歡玩沙喎!
King Kong弟弟好識嘆，係度曬太陽!
我係香港真係好少去沙灘游水，因為太多人了~
好喇! 到我地d大人玩香蕉船既時間! (其實我又貪玩又驚)
足足反左3次，我仲整損左眼尾添，其實都好危險下，哈哈!
玩完我地就食午餐，有湯有飯有菜有魚，都唔錯!
可能玩累了，所以覺得味道都ok! 特別係條炸魚，好好味!
下午再游下水、玩下沙、周圍行下，到大約4點就坐船離開。
返到酒店，係對面買左個芒果糯米飯食，非常正!!!!!!!!!
我地食完芒果糯米飯，就要即刻塔車出曼谷。
呢程車大約兩小時，好多團友都係車上睡著了，包括我，可能大家都玩得太累了!
到左曼谷，我地住係Anantara Bangkok Starthorn Hotel，係一間酒店式住宅，房間非常極之大!
一進內，就見到飯廳。
之後就客廳。
再跟住係露枱。
係客廳再向左轉入走廊位，左方有廁所+浴室，右方有一間二人房，而前方就係有一間好大既套房(我睡此)。
套房內有張好大的床，床邊有疏化，床對出有電視及化妝枱。
而且套房內有浴室，浴室內有浴缸、洗臉位、浴缸及廁所。
設備非常好!!
大家hea左陣，就外出食晚飯，是次晚飯會去建興食。
我很喜歡食建興的咖哩蟹，因為甜甜地，撈飯食係最正!!!
首先來的係炒通菜。
泰式炸蝦餅。
泰式炒唔知咩菜。(唔記得個名)
粉絲大蝦煲。
炆豬手。
燒魷魚。
煎爐魚。
主角來得遲左，泰式咖哩炒蟹。
你睇蟹拑幾大隻。
食飽飽，我地就行去BTS站，大約10分鐘左右，消化一下肚內的食物。
晚上，我條頸好痛，應該係玩香蕉船時扯到，所以我提醒大家，下次玩香蕉船之前應該要做定熱身，唔係之後就好痛苦!
返到酒店，很累了，食左粒止痛藥就即睡zZZZZZZZZ
晚上，我條頸好痛，應該係玩香蕉船時扯到，所以我提醒大家，下次玩香蕉船之前應該要做定熱身，唔係之後就好痛苦!
返到酒店，很累了，食左粒止痛藥就即睡zZZZZZZZZ
沒有留言:
張貼留言