[10] 玩啤牌 (01-Aug-2011)

終於踏入八月份了，今個月係我的生日月份，希望我祈求上天的願望會達成啦!

今天一早同媽咪飲茶，之後陪她買餸回家，之後就玩啤牌，中午前得我同媽咪兩個玩，玩一蚊一隻牌，最後我勝了她41隻牌。

之後，中午過後細佬加入，三人最後戰況在下圖可見，媽咪輸左，最後當然不會付錢啦(一家人嘛)，不過輸家就要請食美心快餐下午茶。



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

前幾天，大家姐俾左兩張120蚊 L'occitane既Cash Coupon我，咁啱我用的爽膚水用完了。

所以昨天去葵芳用了一張Coupon加多元40蚊買左支紅米爽膚水。(有控油功效的)

個售貨員仲送左3包試用裝俾我試，因為她知我都想買另一支不同功效的爽膚水(保濕的)，所以就給我試用。

由於我老公當時在場，所以他都受惠了，售貨員俾左一包面霜同防曬佢用。

多謝晒大家姐!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我有三個比較要好的好朋友(女性)，她們三個都係我的中學同學。

她們三個都懷孕了，分別係今年8月、10月及出年3月生B。

都唔知幾時先到我  ( -__-" )

有日我就行經荃灣老自號的正生純銀店，我不忘買噹噹鈪給她們就快出世的BB啦。

因為有個好友出年才生，所以我先買兩個，等出年才買埋另外一個都未遲。

希望她們的BB快高長大，健健康康! 



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~