洗牙前，食個美心快餐的香檸雞扒飯先，嘻嘻!
我由細到大都好驚去睇牙，特別聽到吱吱聲的機器聲，我就怕怕。
今日洗牙時，牙醫讚我刷牙刷得幾好，雖然無用牙線，不過都唔錯。
醫生睇番我之前的紀錄，他說十多年前我第一次來睇牙時，D牙好差，如果要俾分，佢話唔合格之餘，仲係 U grade 添!
不過而家好好，他俾合格，係D grade !
所以我覺得愛護牙齒真係好重要，小時既我就係無刷好牙的慨念，所以晚上有時唔刷牙就訓，到有蛀牙時，由驚脫牙，所以死忍同食止痛藥。
而且無每年洗牙，所以就有牙石，有牙石就會有牙周病。果時真係咩都唔識，以為洗牙會越洗越鬆，刷牙時流血又唔理，其實呢d觀念係大錯特錯!
想唔流牙血，就係要洗牙，洗牙會洗走牙石，之後就係要刷好d牙，正確方法同牙刷都好重要! (細心用心的刷)
我係用尖尖尖的! 因為夠尖，所以刷到牙蓬位。
至於牙膏，我用高露潔的。
我每天都一定會刷2次牙(早晚)，刷完牙會用漱口水!
不過我真係唔係好識用牙線，所以有時我會用牙刷棒代替牙線棒。(間中用)
最後我還會用舌頭刷的。
咁就乾淨晒!
大家要愛惜你的牙齒，它是跟你一生一世的!
洗牙目的 : 清除積聚在牙齒表面的牙菌膜、牙石和牙漬，減少患上牙周病的機會。
程序 : 用超聲波洗牙機，將牙石清除。之後以牙科用浮石粉打磨牙齒表面，或利用空氣將細小的蘇打粉末﹝碳酸氫鈉﹞混合物與水混合後，由噴嘴高速噴向牙齒表面，去除牙漬及保持牙面平滑。(過程大約15分鐘)
牙刷斜放在牙齦邊緣 :
由於牙菌膜最易積聚在牙齦(牙肉)邊緣的齦溝內，因此刷牙時要把牙刷斜放於這位置。
必須有次序地刷牙 :
1. 先刷上、下排牙齒的外側面，把牙刷斜放在牙齦邊緣的位置，以兩至三顆牙齒為一組，用適中力度來回移動牙刷。
2. 然後再刷牙齒的內側面，重複以上動作。
3. 刷門牙內側面的時候，牙刷要直立放置，用適中的力度從牙齦刷向牙冠。
4. 最後要刷咀嚼面，把牙刷放在咀嚼面上前後移動。
注意事項 :
即使能掌握刷牙技巧，也要選用合適的牙刷和牙膏。
刷牙只能清潔牙齒表面的牙菌膜，要清除牙齒鄰面的牙菌膜，便要使用牙線或牙線叉。
要有效預防蛀牙，應先用牙線，然後刷牙。
(資料參考自: 衛生署 牙齒俱樂部網頁)
沒有留言:
張貼留言